28. Januar 2012

"Was übrig blibt...

...isch Kunscht" - das isch letschte Zytschig am Claudio si Leitsatz gsi. U drus use isch üsi Ufgab entstande: Überbeliechteti Portrait-Fotos vo üsne Gspähnli mache u när im Photoshop ä so witer nachbearbeite, dass äbe nume no weni übrig blibt. Isch ä spannendi Üebig gsi. Zum einte die Biuder z'schiesse, aber när o d'Nachbearbeitig. U deheime bim Nacheprobiere hani gmerkt, dass Photoshop Elements doch viu weniger cha aus s'Originau - bi däm Pris-Ungerschied ja eigentlech o kes Wunder.
Hie di chlini Galerie mit vier Versueche...


22. Januar 2012

Vo Schlangene u huufe angerne Tier...

Sit ewig bini hüt mau wieder im Tierpark Dählhölzli gsi u äs het mir sehr guät gfaue (o weme über Sinn u Unsinn vo Tierpärk sicher cha diskutiere). Au die Farbe u Forme vo dene verschiednigschte Tier isch scho sehr faszinierend. U bim Blick dürs Objektiv hani bi de Schlangene fei chlei z'Tschudere gha...
Hie geits witer zum Flamingo, zum Kroki u no äs paar angerne Kollege.


15. Januar 2012

Bundesterrasse & chlises Schänzli

Bi herrlechschtem (aber o chautem) Wätter bini hüt uf dr Bundesterrasse u im chline Schänzli gsi. Zersch fasch allei, hets de mit dr Zyt doch no äs paar Lüt gäh. D'Bärge si leider nid so klar füre cho u uf de Föteli gseht me se chum. Ä Grund, de nomau verbi z'gah, we si ganz "nöch" si.
Wär Luscht het z'luege, hie si d'Biuder.


8. Januar 2012

Dr Aare naa...

Obwou ja hüt nid grad unbedingt Aare-Wätter isch gsi, het's mi doch ad Ufer zoge. U näbscht äm Fluss si mir süsch no ä huufe spannendi Sache begägnet. Bsunders gfröit het mit dr Kuss-Mund vom eiöigige Stäckli... ;-)
Aber lueget säuber...


3. Januar 2012

Portraits

...das isch üses hütige Thema gsi. U mis "Biud vom Abe" isch dr Claudio in Action :-) Mit viu Härzbluet vermittlet är üs d'Kunscht vor Portrait-Fotografie.


Äs paar Resultat chame hie luege. U itze giengtis ums Üebe, Üebe, Üebe...